هل الزعل يسبب أزمة قلبية؟.. جمال شعبان يوضح
نعى الدكتور جمال شعبان وفاة والدة لاعب الملاكمة حمزة تامر الذي توفي غرقا في حمام السباحة بنادي الترسانة الأربعاء الماضي.
وكتب جمال شعبان عبر صفحته الرسمية على موقع التواصل الاجتماعي فيسبوك: «رحم الله أم المرحوم اللاعب حمزة تامر اللي أمه ماتت من الزعل عليه وهو كان ابنها الوحيد، ماتت بعد وفاته بـ 4 أيام».
هل الزعل يتعب القلب؟
وأجاب استشاري أمراض القلب، على سؤال من المتابعين، مضمونه: هل الزعل فعلا بيتعب القلب؟!
وقال الدكتور جمال شعبان: الزعل بيكسر القلب فعلا دي حقيقة علمية، وحالات إكلينيكية واقعية بنشوفها، مش كناية بلاغية
ولا تعبير مجازي
وتابع جمال شعبان: القلب اللي على اليمين في الصورة قلب مكسور؛ شايفينه ضعيف وانكمش ازاي، لكن القلب اللي على الشمال قلب سليم؛ شايفينه محتفظ بقوامه وشكله ووظيفته ازاي.
وأوضح استشاري أمراض القلب، أن الزعل والصدمات العاطفية والفشل في الحب وفقدان الأحبة بيكسر القلب، وممكن ينتهي بموت مفاجيء، لإن الزعل بينشط الأدرينالين والنور أدرينالين، وبيحبط إفراز هورمونات السعادة زي السيروتونين، الأمر الذي يسبب شلل في عضلة القلب وترهل وتمدد في القلب.
وذكر الدكتور جمال شعبان، الأعراض التي قد تؤدي إلى إحداث كسر القلب، قائلاً: تتمثل في أعراض جلطة الشريان التاجي، والوجع، ورسم القلب ممكن يتشابه مع الجلطة، لكن قسطرة الشرايين التاجية بتطلع سليمة، فالعلماء سموا الحالة دي متلازم القلوب المنكسرة، هي منكسرة عاطفيًا وعضويًا Broken heart syndrome.
واختتم جمال شعبان: ربنا في القرآن دايما يقول لا تحزن، ويقول عن عن أهل الجنة لا خوف عليهم ولا هم يحزنون، وأهل الجنة شكروا ربنا مش علي الجنات والأنهار والعيون والفاكهة والغلمان والحور، لكن قالوا الحمد لله الذي أذهب عنا الحزن، يعني الجنة هي عدم الحزن، علشان كدا دايما أقول لكم ماتزعلوش.
