سارة سامي: العلم شئ مقدس.. وأرفض ظاهرة الرقص في حفلات التخرج

كشفت سارة سامي، التي تخرجت من كلية الإعلام بجامعة القاهرة، عن رأيها في الرقص في حفلات التخرج، مشيرة إلى وجود فرق بينها وبين الـ After Party.

وأوضحت سارة خلال لقائها مع الإعلامية دينا رامز والإعلامية آية شعيب والإعلامي شريف نور الدين ببرنامج «أنا وهو وهي» المذاع على NNi مصر، أن العلم شئ مقدس واستلام شهادة التخرج إحساس يخالطه الوقار والرفعة، مستنكرةً: «إزاي اروح استلم الشهادة بتاعتي وأغنية شغالة؟ الموضوع صعب».

وتابعت: «أرفض ظاهرة الرقص في حفلات التخرج، وبحس إن الطلبة اللي بتعمل كده غير مقدرين لحجم ومكانة الحرم الجامعي».

وأردفت سارة سامي: «بكيت لما جيت استلم الشهادة بتاعتي من الكلية، وحسيت بالفراق من ناحية الكلية بتاعتي وإني خلاص هسيبها ومش هحضر محاضرات تاني».

واختتمت سارة: «فيه أنواع كثيرة ممكن نعبر بيها عن الفرح بالتخرج، ومش شرط يكون فيه رقص وأغاني وحاجات من النوع ده».